Múgedektigi bar balalar ArtSport baǵdarlamasyna engizilgen
ASTANA. QazAqparat – Erekshe bilim berýdi qajet etetin balalar «ArtSport» baǵdarlamasyna engizilgen. Bul týraly Ortalyq kommýnıkatsııalar qyzmetiniń brıfınginde Sport jáne dene shynyqtyrý isteri komıteti tóraǵasynyń orynbasary Bekbolat Baıjanov málimdedi, dep habarlaıdy QazAqparat tilshisi.
«Elimizde erekshe kútimdi qajet etetin balalar qazirgi tańda sportpen belsendi aınalysady. Bizdiń óńirlerde múgedekter sporty boıynsha 15-ten astam klýb jumys isteıdi, sondaı-aq respýblıkalyq múgedekter sporty ortalyǵy bar. Bul uıymdarda jumys isteıtin jattyqtyrýshylar únemi biliktiligin arttyryp otyrady. Qazir ınklıýzıvti balalardy sport jáne dene shynyqtyrý sabaqtaryna qatystyrý jumystary júrgizilýde. Balalardyń bul sanaty «ArtSport» baǵdarlamasyna engizilgen jáne bul baǵytta da jumys júrgizilýde», - dep málim etti Bekbolat Baıjanov.
Brıfıng barasynda Mádenıet jáne sport vıtse-mınıstri Nurǵısa Dáýeshov bıyl qarajat jetispeýshiligine baılanysty «ArtSport» baǵdarlamasyna Úkimet tarapynan arnaıy qarjy bólingenin aıtyp edi.
