Múgedektigi bar adamǵa kútim kórsetetin jeke kómekshiniń qyzmetine tólenetin aqy mólsheri ósedi
ASTANA. QazAqparat – Múgedektigi bar adamdarǵa kútim kórsetetin jeke kómekshiniń áleýmettik qyzmetine tólenetin aqy mólsheri ósedi, dep habarlaıdy QazAqparat tilshisi.
«Jeke kómekshiniń áleýmettik qyzmetterine kepildik berilgen soma tıisti qarjy jylyna arnalǵan respýblıkalyq bıýdjet týraly zańda belgilengen aılyq eseptik kórsetkish mólsheriniń 13,6 paıyzy esebinen aıqyndalady», - delingen Ashyq NQA portalynda jarııalanǵan Eńbek jáne halyqty álemeýmettik qorǵaý mınıstriniń buıryq-jobasynda.
Qujatqa saı, endi aqy tóleý myna tártippen esepteledi:
- kepildik berilgen soma = aılyq eseptik kórsetkish 13,6%.
«QR Áleýmettik kodeksine jáne «Mindetti áleýmettik medıtsınalyq saqtandyrý týraly» QR Zańyna sáıkes kepildik berilgen somadan mindetti zeınetaqy jarnalaryn jáne mindetti áleýmettik medıtsınalyq saqtandyrýǵa jarnalaryn tóleýge shyǵystar ustalady. Jeke kómekshiniń qyzmetterine aqy tóleýdi qalalyq basqarmalar, jumyspen qamtý bólimderi qyzmet kórsetýdiń naqty ýaqyty úshin, biraq Kodekstiń 163-babynyń 2-tarmaǵyna sáıkes kúnine 8 saǵattan asyrmaı júrgizedi. Jeke kómekshiniń 1 saǵatta kórsetetin qyzmetterine aqy tóleýdi esepteý tıisti qarjy jylyna arnalǵan respýblıkalyq bıýdjet týraly zańda belgilengen aılyq eseptik kórsetkish mólsheriniń 13,6 paıyzynyń esebi negizge alyna otyryp júrgiziledi», - dep jazylǵan buıyryqta.
Aıta keteıik, qoldanystaǵy talapqa saı, jeke kómekshiniń áleýmettik qyzmetterine kepildik berilgen soma aılyq eseptik kórsetkish mólsheriniń 12 paıyzy esebimen aıqyndalady. Endi ol 1,6%-ǵa ósip otyr.
Qujat 24 shildege deıin kópshilik talqylaýda bolady.
