Múgedektigi bar adamdardyń jalaqysy úsh jyl boıy sýbsıdııalanady
Ortalyq kommýnıkatsııalar qyzmetiniń alańynda ótken baspasóz máslıhatynda ol múgedektigi bar adamdardy jumysqa ornalastyrý úsh negizgi baǵyt boıynsha júrgizilip jatqanyn atap ótti.
«Birinshisi – múgedektigi bar adamdar úshin jumys oryndaryn kvotalaý tetigi. Bul talap boıynsha jumys berýshiler bar jumys oryndary sanynyń 2-den 4 paıyzyna deıingi mólsherde jumys oryndarynda múgedektigi bar adamdar úshin kvota belgilenedi. Osy baǵyt aıasynda ótken jyly múmkindigi shekteýli 12,2 myń adam jumysqa ornalastyryldy», – dedi vıtse-mınıstr.
Oljas Ordabaevtyń aıtýynsha, ekinshi baǵyt – erekshe qajettilikteri bar adamdar úshin arnaıy jumys oryndaryn qurý. Bul joba 2018 jyly iske asyryla bastady.
«Osy baǵyt aıasynda jumys berýshige jumys ornyn qurý jáne jabdyqtaý shyǵyndary óteledi. Tetik qaıta qaralyp, kúsheıtildi. Bıyldan bastap jumys berýshige 1 mln teńgege deıingi shyǵyndar óteledi. Sonymen qatar arnaýly jumys oryndaryna jumysqa ornalasqan múgedektigi bar adamdardyń jalaqysy úsh jyl ishinde sýbsıdııalanady. Máselen, birinshi jyly memleket jalaqynyń 70 paıyzyn, ekinshi jyly – 65, úshinshi jyly 60 paıyzyn sýbsıdııalaıdy», – dedi ol.
Onyń dereginshe, úshinshi baǵyt – biliktilikti arttyrý, kásipkerlikpen aınalysý jáne sýbsıdııalanatyn jumys oryndaryna jumysqa ornalasý úshin múmkindikter kózdeletin 2021-2025 jyldarǵa arnalǵan kásipkerlikti damytý jónindegi ulttyq jobany iske asyrý aıasynda jumyspen qamtýǵa járdemdesý sharalarymen qamtý.
«Búgingi kúni Ulttyq jobamen 13 myńnan astam múgedektigi bar adam qamtyldy. 1,2 myńy turaqty jumysqa, 5,9 myńy sýbsıdııalanatyn jumys oryndaryna, onyń ishinde «Jastar praktıkasy», «Alǵashqy jumys orny», «Kúmis jas» jáne basqa da jobalar boıynsha jumysqa ornalastyryldy. Bıyl granttar berý tetigi qaıta qaraldy. Halyqtyń osal toptaryna, sonyń ishinde erekshe qajettilikteri bar adamdarǵa jáne múgedektigi bar balalary bar ata-analarǵa artyqshylyq beriledi. Osylaısha, múgedektigi bar balalardy tárbıelep otyrǵan 286 ata-ana men múmkindigi shekteýli 481 adam grant aldy», – dedi Oljas Ordabaev.
