Múgedektigi bar adamdardyń quqyǵy 1,8 myńnan astam ret buzylǵan
Prokýrorlyq qadaǵalaý sharalary boıynsha jeti aýdandyq jáne qalalyq ákimdiktiń qaýlylary osy sanattaǵy adamdar úshin jumys oryndarynyń kvotasyn ulǵaıtý arqyly ózgertildi.
«Qostanaı oblysynda prokýratýranyń aralasýynan keıin psıhonevrologııalyq ınternatta turatyn múgedektigi bar adamǵa tıesili páterge úshinshi tulǵanyń menshik quqyǵyn taný týraly sot sheshiminiń kúshi joıyldy.
Almaty qalasynyń prokýratýrasy «Januıa» mamandandyrylǵan kesheniniń 23 tárbıelenýshisine asyraýshysynan aırylý jáne múgedektigi boıynsha járdemaqy osyndaı tólemderge quqyq alǵan sátten bastap 5-10 jyldan keıin taǵaıyndalǵanyn anyqtady. Qadaǵalaý aktisi boıynsha kináli tulǵalar esebinen balalarǵa 10,6 mln teńge óteldi.
Aqtóbe oblysynyń prokýrorlary múgedektigi bar 40 stýdentke memlekettik stıpendııa tóleýdi qamtamasyz etti», - delingen habarlamada.
Jalpy, prokýratýra organdarynyń tekserý nátıjeleri negizinde osy salada 12 sotqa deıingi tergeý bastaldy.
«Mysaly, Qyzylorda oblysynda áleýmettik qyzmet kórsetý ortalyǵynyń qyzmetkerleri ózderiniń dármensiz qamqorshylarynyń derbes jáne bıometrııalyq derekterin paıdalana otyryp, ózderine aqsha qarajattaryn, zeınetaqylar men járdemaqylardy aýdardy. Atalǵan fakti boıynsha oblys prokýratýrasy QK 190-baby 3-bóliginiń 3-tarmaǵy (alaıaqtyq) boıynsha sotqa deıingi tergeýdi bastady», - delingen habalamada.
Tekserý nátıjesinde barlyǵy 336 qadaǵalaý aktisi engizildi, 130 tulǵa tártiptik jaýapkershilikke, 65 tulǵa ákimshilik jaýapkershilikke, 2 tulǵa qylmystyq jaýapkershilikke tartyldy.
Jergilikti jerlerdegi ýákiletti organdar prokýrorlar anyqtaǵan zań buzýshylyqtardy joıý jáne azamattardyń buzylǵan quqyqtaryn qalpyna keltirý úshin tıisti sharalar qabyldaýǵa kiristi.
