Múgedektigi bar adamdar 200 myńnan astam qyzmet aldy - Eńbek mınıstrligi
Atap aıtqanda, 113 myńnan astam múgedektigi bar adam Áleýmettik qyzmetter portaly (budan ári – Portal) arqyly ońaltýdyń tehnıkalyq quraldaryn (budan ári – OTQ), 6 myńnan astamy ymdaý tili qyzmetterin, 31 myńnan astamy jeke kómekshiniń qyzmetterin, 36 myńǵa jýyǵy sanatorlyq-kýrorttyq emdeý aldy jáne 122 myńnan astam adam kepildik berilgen áleýmettik toptamalarǵa (budan ári – áleýmettik toptama) tapsyrys resimdedi.
Portal múgedektigi bar adamdarǵa ońaltýdyń tehnıkalyq quraldary men qyzmetterin óndirýshini jáne jetkizýshini óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondyq tsıfrlyq qoltańbasymen rastaý arqyly júzege asyrylady. Tapsyrys berilgen ońaltýdyń tehnıkalyq quraldaryn jetkizý nemese óz betinshe áketý arqyly alýǵa bolady.
Múgedektigi bar adamdardy ońaltý quraldarymen qamtamasyz etý protezdik-ortopedııalyq, sýrdotehnıkalyq, tıflotehnıkalyq jáne gıgıenalyq quraldar, sondaı-aq kreslo-arbalar berýdi qamtıdy.
Búgingi kúni Portalda arnaýly áleýmettik qyzmet kórsetetin 859 medıtsınalyq-áleýmettik mekeme (bólimsheler), 127 OTQ jetkizýshi, jeke kómekshi qyzmetterin usynatyn 13 myńnan astam jetkizýshi, ymdaý tili qyzmetterin usynatyn 250 jetkizýshi, sanatorlyq-kýrorttyq emdeý usynatyn 66 jetkizýshi, kepildik berilgen áleýmettik toptama usynatyn 135 jetkizýshi tirkelgen.
2020 jylǵy 29 jeltoqsannan bastap Elektrondyq úkimet portalynda (eGov.kz) múgedektigi bar adamdarǵa QR Eńbek jáne halyqty áleýmettik qorǵaý mınıstrliginiń memlekettik qyzmetterin kórsetýge elektrondyq ótinim berý múmkindigi iske asyryldy. Osy kezeńde Elektrondyq úkimet portaly arqyly ońaltý quraldarymen jáne qyzmetterimen qamtamasyz etýge 110,5 myńnan astam qujat resimdeldi.
«Áleýmettik qyzmetter portaly» avtomattandyrylǵan aqparattyq júıesin engizý Múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi ulttyq jospar sheńberinde qarastyrylǵan.
1411 nómiri arqyly Call-ortalyqtan portaldy paıdalaný boıynsha keńes alýǵa bolady.
