Múgedektigi bar balalardyń úıde oqytý shyǵyndaryn óteý tártibi jańartylady
ASTANA. KAZINFORM — Budan bylaı múgedektigi bar balalardyń úıde oqytýǵa jumsalǵan shyǵyndardy óteý qyzmeti proaktıvti túrde kórsetiledi, dep habarlaıdy Eńbekmıni baspasóz qyzmeti.
Eńbek jáne halyqty áleýmettik qorǵaý mınıstrligi «Múgedektigi bar balalardy úıde oqytýǵa jumsalǵan shyǵyndardy óteý» memlekettik qyzmetin kórsetýdiń Qaǵıdalaryna ózgerister engizýdi josparlap otyr. Tıisti buıryq jobasy týraly aqparat «Ashyq NQA» portalynda jarııalandy.
— Jańa engizilimder biryńǵaı derekter jınaý formatyn engizýge, qaǵazbastylyqty joıýǵa jáne qyzmet kórsetýdiń ashyqtyǵyn arttyrýǵa, sondaı-aq ony proaktıvti formatqa kóshirýge múmkindik beredi, — delingen habarlamada.
Buıryq jobasyna sáıkes ózgerister kelesi qujattarǵa engiziledi:
- «Áleýmettik-eńbek salasynda memlekettik qyzmetterdi kórsetýdiń keıbir máseleleri týraly» Qazaqstan Respýblıkasynyń Eńbek jáne halyqty áleýmettik qorǵaý mınıstriniń 2021 jylǵy 25 naýryzdaǵy № 84 buıryǵyna ózgerister men tolyqtyrýlar engizý týraly» buıryq;
- «Múgedektigi bar balalardy úıde oqytýǵa jumsalǵan shyǵyndardy óteýdi taǵaıyndaý jáne tóleý týraly esep» ákimshilik derekterin jınaýǵa arnalǵan nysandy bekitý týraly» Qazaqstan Respýblıkasynyń Densaýlyq saqtaý jáne áleýmettik damý mınıstriniń 2016 jylǵy 19 qańtardaǵy № 28 buıryǵy.
Buıryq jobasy týraly aqparat 2025 jyldyń 1 jeltoqsanyna deıin qoǵamdyq talqylaý úshin «Ashyq NQA» ınternet-portalynda ornalastyrylǵan.
Budan buryn múgedektikti belgileý boıynsha 89 myńnan astam ótinim syrttaı formatta qaralǵanyn jazǵanbyz.