Múgedektigi bar azamattardy jumysqa ornalastyrý jobasyna 20 mln teńge bólinedi

ASTANA. KAZINFORM — Qazaqstanda múgedek adamdardy azamattyq qoǵam kúshterimen áleýmettendirý jáne jumysqa ornalastyrý sharalaryn iske asyrý jobasy bastaldy. Bastama múgedektigi bar adamdardyń ómir súrý sapasyn arttyrýǵa baǵyttalǵan.

Jobany «Qorǵan-M» qoǵamdyq birlestigi pılottyq negizde úsh óńirde Túrkistan, Qaraǵandy oblystarynda jáne Shymkent qalasynda iske asyrady. Jergilikti ÚEU-nyń kómegimen áleýmettik jáne eńbek salalarymen biriktirilgen is-sharalar kesheni uıymdastyrylady.

Joba aıasynda 15 shildede ÚEU men bastamashyl toptarǵa arnalǵan shaǵyn granttar konkýrsyna qatysýǵa ótinimder qabyldaý bastaldy. Eń aldymen, múgedektektigi bar adamdardy áleýmettendirýge jáne jumysqa ornalastyrýǵa, sonymen qatar olardy qoǵamdyq ómirge tartýǵa baǵyttalǵan jobalardyń qarjylandyrýdy utyp alý múmkindigi bar.

«Ótinish berýshiler jobalyq ótinimdi daıyndaý kezinde basshylyqqa alatyn negizgi baǵyttar: múgedekterdi kásipkerlik qyzmet boıynsha oqytý, mentorlyq jáne bıznes-koýchıng, kedergisiz orta qurý, tsıfrlyq saýattylyqty arttyrý», - dep atap ótti Azamattyq bastamalardy qoldaý ortalyǵynyń tóraǵasy Lıma Dıas.

Bıyl konkýrs aıasynda 20 shaǵyn grant berý josparlanýda. Atap aıtsaq, Túrkistan oblysyna – 10, Qaraǵandy oblysyna jáne Shymkent qalasyna – 5 granttan bólinedi. 

Ortasha eseppen, jobalardy iske asyrý merzimi eki aıdan tórt aıǵa deıin sozylady.

Konkýrsqa qatysý úshin mynaý telegram-bottaǵy erejeni júktep, tolyǵyraq tanysýǵa bolady.