Múgedektigi bar azamattar endi poıyz bıletin onlaın satyp ala alady
ASTANA. KAZINFORM — І toptaǵy múgedektigi bar jolaýshylar endi arnaıy oryndarǵa bılet alý úshin temirjol kassalaryna barmaıdy. Endi olar bıletti ınternet arqyly rásimdeı alady.
Bas kólik prokýratýrasynyń habarlaýynsha, buǵan deıin mundaı múmkindik qarastyrylmaǵan. Vedomstvonyń qadaǵalaý aktisinen keıin Kólik mınıstrligi júıege ózgeris engizip, múgedektigi bar jolaýshylardy avtomatty túrde anyqtaý tetigin iske qosty.
— 2026 jyldyń maýsymynan bastap áleýmettik mańyzy bar poıyzdarda arnaıy oryndarǵa bıletterdi onlaın rásimdeý servısi iske qosyldy. Bul QTJ elektrondyq bıletteý júıesin Eńbek jáne halyqty áleýmettik qorǵaý mınıstrliginiń aqparattyq júıesimen ıntegratsııalaýdyń arqasynda múmkin boldy, — delingen habarlamada.
Endi bul sanatqa jatatyn shamamen 90 myń azamat temirjol bıletterin úıden shyqpaı-aq, onlaın satyp ala alady.
Eske salaıyq, buǵan deıin Qarjy mınıstrligi bızneske arnalǵan jańa onlaın servısti iske qosqanyn habarlaǵan edik.
