Múgedektigi bar adamdar bıyl ınvataksı qyzmetin shamamen 54 myń ret qoldanǵan
ASTANA. KAZINFORM — QR Eńbek jáne halyqty áleýmettik qorǵaý mınıstrliginiń (budan ári – Eńbekmıni) bastamasymen erekshe qajettilikteri bar adamdarǵa ınvataksı qyzmetin kórsetý úshin taksı agregatorlaryn paıdalaný jónindegi pılottyq jobany iske asyrý aıasynda 2023 jyly Astana men Almatyda bul qyzmet 53,9 myń ret kórsetildi.
Búgingi tańda eki qalada pılottyq jobaǵa 639 adam qatysyp jatyr.
Budan buryn habarlaǵandaı, ınvataksı qyzmetiniń sapasy men kórsetý jyldamdyǵyn arttyrý maqsatynda Eńbekmıni ákimdiktermen birlesip osy qyzmettiń tetigine ózgertý engizý týraly sheshim qabyldady. Mysaly, azamattarǵa qyzmet alýdan bir kún buryn telefon arqyly jazylý qajet, bul óz saparlaryn aldyn ala josparlaýǵa, ınvataksı berýdi kútýge májbúr etedi, ınvataksı qyzmetterin usyný úshin kólik quraldarynyń jetispeýshiligi jáne t. b. máseleler bar.
Sharttardy jeńildetý úshin osy qyzmetti kórsetýge qatysýǵa tıisti suranys alǵan taksı agregatorlaryn tartý boıynsha pılottyq jobaǵa bastama jasaldy.
Mundaǵy basty shart saparlardyń aqysynan paıyzdyń bolmaýy, olar ádette agregator platformalarynyń paıdasyna aýdarylatyn. ıAndeks kompanııasy pılottyq jobaǵa óteýsiz negizde qatysýǵa nıet bildirdi.
Pılottyq joba sheńberinde azamattar ıAndeks Go mobıldi qosymshasy arqyly Invataksı qyzmetin qoldana alady. Bul qyzmetti alýshy úshin kólikti tezirek tańdaýǵa, onlaın rejıminde tapsyrys mártebesin qadaǵalaýǵa jáne jasalǵan saparlarǵa monıtorıng júzege asyrýǵa múmkindik beredi. Atalǵan qosymshada múgedektigi bar adamdar júrgizýshige sapardaǵy erekshe qajettilikteri týraly eskertýi úshin arnaıy múmkindikter ekrany iske qosyldy. Óz kezeginde, júrgizýshiler adamdy kólikke otyrǵyzý jáne odan túsýde qalaı kómek kórsetýge bolatyn sekildi arnaıy nusqaýlar alady.
Pılottyq jobaǵa alǵashqy kezeńde Astana jáne Almaty qalalarynan múgedektigi bar adamdardyń fokýs-toby qatysady.
Joba 2024 jyly da jalǵasady, bolashaqta jańa formatta qyzmet kórsetýdi múgedektigi bar adamdardyń basqa toptaryna keńeıtý jáne eldiń barlyq óńirlerinde keńinen qoldaný josparlanýda.
