Múgedektigi bar adamdar Áleýmettik qyzmetter portaly arqyly 111 myńnan astam qyzmet aldy
ASTANA. KAZINFORM - 2026 jyldyń basynan bastap Áleýmettik qyzmetter portaly (budan ári – Portal) arqyly múgedektigi bar adamdardyń 111,6 myń tapsyrysy oryndaldy, dep habarlaıdy QR Eńbek jine halyqty áleýmettik qorǵaý mınıstrliginiń baspasóz qyzmeti.
Tapsyrys berýshilerdiń ishinde: shamamen 75,4 myń múgedektigi bar adam ońaltýdyń tehnıkalyq quraldaryn (budan ári – OTQ), 7,2 myń – ymdaý tili qyzmetin, 23,8 myń – jeke kómekshiniń, 5,2 myń – shıpajaılyq-kýrorttyq emdeý qyzmetin aldy.
Portal múgedektigi bar adamdarǵa ońaltýdyń tehnıkalyq quraldary men qyzmetterin óndirýshini jáne jetkizýshini óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondyq tsıfrlyq qoltańbasymen rastaý arqyly júzege asyrylady. Tapsyrys berilgen ońaltýdyń tehnıkalyq quraldaryn jetkizý nemese óz betinshe áketý arqyly alýǵa bolady.
Múgedektigi bar adamdardy ońaltý quraldarymen qamtamasyz etý protezdik-ortopedııalyq, sýrdotehnıkalyq, tıflotehnıkalyq jáne gıgıenalyq quraldar, sondaı-aq kreslo-arbalar berýdi qamtıdy.
Búginde Portalda 607 arnaýly áleýmettik qyzmet kórsetýshi, 1022 OTQ jetkizýshisi, 32 myńnan astam jeke kómekshi, 785 ymdaý tili jáne 132 shıpajaılyq-kýrorttyq emdeý qyzmetterin usynýshy tirkelgen.
Portaldy paıdalaný boıynsha konsýltatsııalardy qoldaý baılanys ortalyǵynan, ıaǵnı 1414 biryńǵaı nómiri arqyly alýǵa bolady.
Osyǵan deıin múgedektigi bar jáne asyraýshysynan aıyrylǵan qazaqstandyqtar 68 mlrd teńge alǵany týraly jazdyq.