Múgedekterge arnalǵan orynǵa kólik qoıǵandarǵa 14,5 mln teńge aıyppul salyndy
ASTANA. QazAqparat - Jyl basynan beri múgedekterge arnalǵan oryndarǵa kólikterin qoıǵan elorda turǵyndaryna 14,5 mln teńge aıyppul salyndy, dep habarlaıdy QazAqparat Astana qalalyq Іshki ister departamentine silteme jasap.
Qalalyq ІІD-niń ákimshilik polıtsııa basqarmasy basshysynyń orynbasary Nurlan Ývaevtyń aıtýynsha, jyl basynan beri múgedekterge arnalǵan oryndarǵa toqtap nemese kóligin qoıǵany úshin jalpy somasy 14 mln 566 myń 980 teńge bolatyn 210 ákimshilik quqyqbuzýshylyq anyqtalǵan. Olardyń arasynda 133 quqyqbuzýshylyq boıynsha 8 mln 622 myń 200 teńge alyndy. Jeltoqsannyń 4-5 kúnderi 567 myń 250 teńgeniń quqyqbuzýshylyǵy anyqtaldy.
Astana qalasy ІІD-niń ákimshilik polıtsııa basqarmasy «Teń múmkindikter joly» respýblıkalyq aktsııasynyń aıasynda arnaıy reıd júrgizgen. Atalmysh sharaǵa jol jáne kommýnaldyq qyzmet ókilderi de qatysyp, olar kóshedegi joldardyń jaǵdaıy, múgedekter júretin jerlerdiń qanshalyqty talapqa saı ekendigi, jaıaý júrginshiler júretin joldardyń jaǵdaıyna tekserý júrgizgen.
