Múgedekterdiń turmysyn jaqsartýǵa baǵyttalǵan 7 jyldyq jospar ázirlenedi
Onyń aıtýynsha, Qazaqstan Respýblıkasynda múgedektigi bar adamdardyń ómir súrý sapasyn jaqsartý jáne quqyqtaryn qamtamasyz etý jónindegi 2025 jylǵa deıingi ulttyq jospardy ázirleý jumystary qolǵa alynǵan.
«Ulttyq jospar múgedektigi bar adamdardy qoǵamǵa tolyq ıntegratsııalaý úshin jaǵdaılar jasaýǵa arnalǵan keshendi jáne vedomstvoaralyq tásildi qamtamasyz etýge tıis. Múgedektigi bar adamdardyń ómir súrý sapasyn jaqsartý jáne quqyǵyn qamtamasyz etý boıynsha jeti basym baǵyt belgilendi. Olar: densaýlyq profılaktıkasy - múgedektik patologııalaryn azaıtý; ınklıýzıvti bilim berý - básekege qabiletti tulǵany qalyptastyrý; derbes mobıldilik - qoljetimdi orta; eńbek jáne jumyspen qamtý - ómir súrý deńgeıin arttyrý; áleýmettik ońaltý men abılıtatsııany damytý; múgedektik problemalaryna kózqarasty ózgertý; áleýmettik qyzmetkerlerdiń kadrlyq áleýetin damytý», - dedi vıtse-mınıstr.
Osy rette ol Premer-Mınıstrden Densaýlyq saqtaý, Bilim jáne ǵylym, Indýstrııa jáne ınfraqurylymdyq damý, Qoǵamdyq damý mınıstrlikteriniń basshylaryna Ulttyq jospardyń beıindi bólimderin sapaly pysyqtaý, ony iske asyrý úshin bıýdjet qarajatynyń belgili kólemin qajet etetin strategııalyq sharalar keshenin aıqyndaý tapsyrmasyn berýdi ótindi.
«Ulttyq jospardyń jobasy azamattyq qoǵamnyń keń talqylaýyna shyǵarylady. Aıtylǵannyń negizinde, Baqytjan Ábdiruly, Sizdiń kelisimińizben Ulttyq jospar jobasy 2019 jylǵy mamyr aıynda engiziletin bolady», - dedi Svetlana Jaqypova.