Múgedekterdiń ómir sapasyn jaqsartý is-sharalar josparynyń kelesi kezeńi ázirlenýde - Úkimet otyrysy
ASTANA. 28 mamyr. QazAqparat - Múgedekterdiń ómir sapasyn jaqsartý is-sharalar josparynyń kelesi kezeńi ázirlenýde.
Bul týraly búgin Úkimet otyrysynda 2012-2018 jyldarǵa arnalǵan múgedekterdiń ómir sapasyn jaqsartý jáne quqyqtaryn qamtamasyz etý boıynsha is-sharalar josparynyń birinshi kezeńiniń júzege asyrylýy týraly baıandama jasaǵan QR Eńbek jáne halyqty áleýmettik qorǵaý mınıstri Serik Ábdenov aıtty.
«Іs-shara josparynyń birinshi kezeńi bıyl júzege asady. Mınıstrlik jospardyń 2014-2015 jyldardy qamtıtyn kelesi kezeńin ázirleýde»,-dedi ol.
Mınıstrdiń atap ótýinshe, qazirgi ýaqytta múgedekterdiń quqyn qorǵaý máseleleri boıynsha normatıvtik-quqyqtyq aktilerdi ázirleý, áleýmettik-ınfraqurylymnyń naqty nysandaryna múgedekterdiń qoljetimdiligin jáne tıisinshe qyzmet kórsetilýin qamtamasyz etetin qanatqaqty jobalardy ázirleý, múmkindigi shekteýli jandardyń problemalaryna qoǵamnyń túsinistikpen qaraýy, yqpal etetin aqparattyq naýqan uıymdastyrý syndy keleli mindetterdi sheshý kózdelip otyr.
«Jospardy 2017 jylǵa deıingi kezeń-kezeńmen júzege asyrý arqyly ınfraqurylymy damyǵan áleýmettik kómek kórsetýdiń tolyqqandy júıesin qurýdy aıaqtaýǵa múmkindik týady dep esepteımiz»,-dedi S. Ábdenov.
