Múgedekterdiń áleýmettik tólemderi 50 paıyzǵa artady
ASTANA. QazAqparat - 2015 jyldyń shilde aıyna deıin múgedekterdiń áleýmettik tólemderi 50 paıyzǵa artady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Eńbek jáne áleýmettik qorǵaý mınıstri Tamara Dúısenova málim etti.
Mınıstrdiń aıtýynsha, múmkindigi shekteýli azamattarǵa arnalǵan áleýmettik tólemder eki kezeńmen kóteriledi. Birinshi kezeń - 2014 jyldyń 1 sáýirinde, al ekinshi kezeń 2015 jyldyń 1 shildesinde júzege aspaq.
"Osy eki jyldyń ishinde múmkindigi shekteýli azamattarǵa beriletin áleýmettik tólemderdiń kólemi 50 paıyzǵa artady. Eger 1 top múgedegi buǵan deıin 25 myń teńge alyp kelse, 2015 jyldyń shildesinen bastap, ol 38 myń teńgege deıin kóteriledi", - dedi ol.
