Múgedekter jeke kómekshisimen tikeleı kelisimshart jasaıdy - mınıstrlik
«Múgedektigi bar adamdar jeke kómekshilermen tikeleı kelisimshart jasaıdy jáne bul ereje týystaryna da qoldanylady. Osy jáne basqa da ózgerister erekshe qajettilikteri bar adamdardyń ótinishi boıynsha QR Densaýlyq saqtaý jáne áleýmettik damý mınıstrliginiń «Múgedekterdi ońaltýdyń keıbir máseleleri týraly» 2015 jylǵy 22 qańtardaǵy № 26 buıryǵyna engizildi», delingen habarlamada.
QR Eńbek jáne halyqty áleýmettik qorǵaý vıtse-mınıstri Erlan Áýkenovtiń aıtýynsha, jeke qabyldaý, konferentsııa rejimindegi jınalystar men jazbasha ótinishter aıasynda múgedektigi bar adamdar kóbinese jeke kómekshiniń qyzmetterin usynýǵa qatysty eskertýler men usynystar qaldyrǵan.
2020 jylǵy shildeden bastap jeke kómekshilerdiń qyzmetteri Áleýmettik qyzmetter portalyna aýysady, sodan keıin múgedektigi bar adammen jeke kómekshiniń arasynda kelisimshart jasalady, erekshe qajettilikteri bar adamnyń jaqyn týystary da jeke kómekshi bola alady.
«Elimizdiń barlyq oblystarynda kómekshilerdiń qyzmetterine saǵatyna aqy tóleýdiń biryńǵaı mólsheri belgilenetin bolady. Buıryqta buǵan deıin bul másele rettelmegen bolatyn, sondyqtan ártúrli óńirlerde jeke kómekshilerdiń jalaqylarynda eleýli aıyrmashylyq boldy», delingen habarlamada.
Jańa redaktsııada jeke kómekshiniń jáne ymdaý tili mamanynyń qyzmetterin kórsetýge qarsy kórsetimderden AITV-ınfektsııasyn juqtyrǵan adamdar sanaty alynyp tastaldy. Bul olardyń quqyqtary men zańdy múddelerine nuqsan keltirmeýge múmkindik beredi.
