Múgedekter úshin bos jumys orny jármeńkesi ótedi

ASTANA. 6 qarasha. QazAqparat - Erteń elordada múgedekterdi jumysqa ornalastyrýǵa baǵyttalǵan bos jumys orny shaǵyn jármeńkesi ótedi.

 Oǵan osy sanattaǵy azamattarǵa bos jumys orny bar jumys berýshiler shaqyryldy, dep habarlady Astana qalasynyń resmı saıty.

Іs-shara «Múmkindigi shekteýli jandardy jumysqa ornalastyrý máselesi» taqyrybynda dóńgelek ústel aıasynda josparlanǵan. Semınarǵa memlekettik organdar, qoǵamdyq birlestikter, úkimettik emes uıymdar, jumyspen qamtý jeke agenttikteri qatysady.