Múgedekter nege ózin jalǵyz sezinedi
ASTANA. QazAqparat - Árbir tórtinshi brıtandyq múmkindigi shekteýli adamdarmen sóılespeýge tyrysady eken. Bul Sense qaıyrymdylyq qory júrgizgen saýalnama nátıjesinde belgili boldy, dep jazady bbc.com.
Áleýmettanýshy mamandardyń aıtýyna qaraǵanda, múmkindigi shekteýli jas adamdardyń 75%-i ózderin jalǵyz sezinedi. Jazylmaıtyn dertin nemese múmkindiginiń shekteýli ekendigin biletin jas adamdar baqytsyz ómir súrip jatqandaı kúıge túsedi-mis.
Mollı Ýatt 12 jasta jazylmaıtyn dertke shaldyǵyp, estý qabiletinen aıyrylǵan.
«Men qazir 23 jastamyn, kemtar ekendigime mán de bermeımin. Óıtkeni jalǵyzdyq, ómirden túńilý sezimderin jasóspirim shaqta ótkerdim. Osy oqıǵa arqyly kimniń-kim ekendigin bildim. Men janymdaǵy adamdardyń menimen músirkep, aıaýshylyq bildirip emes, qalypty adam retinde qarym-qatynas jasaǵanyn qalaımyn», - deıdi M.Ýatt.
