Múgedekter men ardagerlerdiń áleýmettik máseleleri talqylandy
ALMATY. Naýryzdyń 12-si. QazAqparat /Erbol Azanbek/ - QR Tabıǵı monopolııalardy retteý agenttiginiń Almaty qalasy boıynsha departamentiniń uıymdastyrýmen Elbasynyń joldaýy boıynsha ardagerler, múgedekter uıymdarynyń ókilderimen kezdesý ótti,
dep habarlaıdy QazAqparat.
QR Tabıǵı monopolııalardy retteý agenttiginiń Almaty qalasy boıynsha departamentiniń dırektory ıAlqýnjan Baratovtyń aıtýynsha, Joldaýdaǵy basty máseleniń biri qoǵamnyń áleýmettik álsiz bóligin qoldaý. Búgingi kezdesý osy baǵytta ótkizilip otyr, deıdi ol.
Kezdesýge «Bastaý» MKK dırektory Janat Nurǵazın, «Almatyjylýjelisi» AQ dırektory Igor Pırogov, «Almatyjylýjaı» AQ dırektory Valerıı Torlambaev, , «Almatyenergosbyt» JShS bas dırektory Mıhaıl Gambýrger, «Soltústik shyǵys» MKK dırektory Amanjol Jaqaev qatysyp, ardagerler men múgedekterdiń kókeıkesti saýaldaryna jaýap berdi. Ardagerler men múgedekterdi tolǵandyrǵan saýaldardyń biri «Almatyenergosbyt» JShS-ne qatysty boldy. Olardyń aıtýynsha, Almatyda 400 myń páter bar. Sol 400 myń páterden eseptegish kórsetkishin jınaýmen 200 adam aınalysady. Bul úlken qala úshin tym az. Sonyń nátıjesinde kórsetkish durys eseptelmeı, jaryq jıi sóndiriledi.Múgedekter men ardagerler M.Gambýrgerden osy máselege basty nazar aýdarýyn surady. Almatyenergosbyt» JShS dırektorynyń aıtýynsha, bul másele aldaǵy ýaqytta sheshimin tabady. «Bıylǵy jyldyń qazan aıynan bastap baılanys ortalyǵyn ashýdy kózdep otyrmyz. Bul ortalyq turǵyndardyń páterlerindegi eseptegish quraldardyń kórsetkishterin telefon arqyly jazyp alýmen aınalysady», deıdi ol.
Kezdesý barysynda bunymen qatar sý men jylý, jaryq tarıfteri, aqy jınaý syndy máseleler sóz boldy. Kezdesýge qatysqan quzyrly organdardyń basshylary múgedekter men ardagerler kótergen máselelerdiń jaqyn arada sheshimin tabatynyna ýáde etti.
