Múgedekter medıtsınalyq-áleýmettik mańyzy bar nysandarǵa kire almaı jatady - Adam quqyqtary jónindegi Ulttyq ortalyq jetekshisi

ASTANA. 8 qarasha. QazAqparat - Búgin Astanada «Múgedek áıelderdiń densaýlyǵyn qorǵaý: tájirıbe, problemalar jáne sheshý joldary» taqyrybynda «dóńgelek ústel» uıymdastyryldy.

Іs-shara aıasynda múgedek jandardyń densaýlyq saqtaý qyzmetterin teń dárejede paıdalaný máseleleri jan-jaqty qaraldy.   QR Adam quqyqtary jónindegi Ulttyq ortalyqtyń jetekshisi Vıacheslav Kalıýjnyıdyń aıtýynsha, osy salada áli kúnge deıin sheshilmeı jatqan máseleler kóp. Múgedekter, kóp jaǵdaıda, medıtsınalyq-áleýmettik mańyzy bar nysandarǵa kire almaı, qoǵamdyq kólik qatynasy salasynda biraz qıynshylyqtarǵa tap bolyp jatady. «Ásirese, múgedek áıelderdiń jaǵdaıy qıyn. Sebebi olar, bir jaǵynan álsiz. Oǵan taǵy múgedektiktiń aýyr halin qosyńyz. Shynyn aıtý kerek, medıtsınalyq kómekke júgingen ondaı áıelderdiń densaýlyǵyn tolyqqandy qaramaıdy», - deıdi V.Kalıýjnyı.

Ortalyq jetekshisiniń sózine qaraǵanda, búginde azamattardan túsetin aryz-shaǵymdar boıynsha QR Eńbek jáne halyqty áleýmettik qorǵaý mınıstrligine tıisti usynystar jiberildi. Al 32 áleýmettik nysanǵa júrgizilgen baqylaý jumystarynyń qorytyndysy boıynsha Úkimet basshysynyń keńsesine resmı hattar joldandy.