Múgedekter quqyǵyn saqtaý úshin jazany oryndaı bilý kerek - «Namys» birlestigi
ASTANA. 21 qarasha. QazAqparat - Qazaqstanda múgedekter quqyǵyn qorǵaıtyn zańnama bar. Alaıda ol tolyqqandy oryndalmaıdy. QR Prezıdenti janyndaǵy Adam quqyqtary jónindegi komıssııanyń keńeıtilgen májilisinde joǵary bilimi bar múgedekterdiń «Namys» qoǵamdyq birlestiginiń tóraǵasy Qaırat Imanálıev osylaı aıtty.
«Máselen, Ákimshilik quqyq buzýshylyq kodeksinde múgedek quqyǵyn saqtamaǵany úshin naqty jaza qarastyrylǵan. Jeke tulǵalar 200-400 dollarǵa deıin aıyppul tólese, zańdy tulǵalar 500 AQSh dollaryna deıin shyǵyndalýy shart. Alaıda jazanyń bul túri esh oryndalmaıdy deýge bolady. Sonyń saldarynan múmkindigi shekteýli azamattardyń quqyǵy da saqtalmaıdy», - deıdi Q.Imanálıev. Sondyqtan búginde zań aıasyndaǵy jaýapkershilikti kúsheıtip, jazanyń oryndalýyn qamtamasyz etý asa mańyzdy. Múgedekter úshin jabdyqtalmaǵan qurylys nysandaryn qabyldamaýǵa da bolady. Osy oraıda uıym basshysy Almatydaǵy metrony da mysal retinde keltirdi. Ol jerde múgedekter úshin jaǵdaı jasalsa da, arbaǵa tańylǵan azamattar oǵan túse almaı júr.
