Múgedek jáne on eki múshesi saý balalar bir lagerde tynyǵady
AQTÓBE. QazAqparat - Aqtóbeniń Alǵa aýdanynda «Kúnshýaq» lageri ashylady. TMD aýmaǵynda teńdesi joq lagerde múgedek jáne on eki múshesi saý balalar teń demalady, dep habarlaıdy QazAqparat tilshisi.
Aqtóbe oblysy bıyl «Baqytty bala» jylyn jarııalady. Buǵan deıin habarlaǵanymyzdaı, óńirde aýla klýbtary salynyp, balalardyń oıyn alańy jańartylady. Jobany iske asyrýǵa Bilim jáne ǵylym mınıstrligi, BUU Damý baǵdarlamasy, ıÝNESKO, ıÝNISEF sekildi halyqaralyq uıymdar men elimizdegi qaıyrymdylyq qorlary qatysady. Eń mańyzdysy -balalardyń demalysy men tynyǵýyna, densaýlyǵyn túzetýge arnalǵan «Kúnshýaq» lageri. Munda múgedek balalar men densaýlyǵynda esh kinárat joq balalar tynyǵady.
«TMD aýmaǵynda joq lager Italııa men Belorýssııada ashylǵan eken. Joba biregeı bolǵan soń Májilis depýtaty Zaǵıpa Balıeva qyzyǵýshylyq tanytyp, qoldaý bildirip otyr. Bıyl maýsymdyq lager jumys isteıdi. Onda 6 maýsym boıy 100 bala tynyǵady. Al keler jyly lager úzdiksiz jumys isteıdi. Elimizdiń Bilim jáne ǵylym mınıstri de qoldady. Aldaǵy ýaqytta Qazaqstannyń basqa óńirinen de balalar kelip, sporttyq-saýyqtyrý kesheninde demalady»,- dedi Aqtóbe oblystyq bilim basqarmasynyń basshysy Lázzat Orazbaeva. Jańa lagerge qajetti maman daıyndaýdy Qudaıbergen Jubanov atyndaǵy Aqtóbe óńirlik memlekettik ýnıversıti óz mindetine aldy. Al múgedek balalardyń kútimin Marat Ospanov atyndaǵy Batys Qazaqstan memlekettik medtsınalyq ýnıversıtetiniń stýdentteri qolǵa alady. Olar jazǵy eńbek tájirıbelerin lagerde ótkizedi.
«Jobany ázirleý kezinde bilikti mamandar jumys istedi. Ustazdar, qoǵamdyq uıym ókilderi de bir aı boıy eńbek etti»,- dedi Aqtóbe oblysy ákiminiń orynbasary Erbol Nurǵalıev. «Kúnshýaq» lageri úshin bıýdjetten 150 mıllıon teńge bólingen. Jóndeý jumystary júrgizilip, jańa qural-jabdyqtar satyp alynady.
Aıta keteıik, «Baqytty bala» jyly aıasynda 4 mıllıard teńgege jýyq qarjy jumsalady. Onyń teń jartysy bıýdjetten bólinse, ózgesi demeýshilerdiń qarjysy.
