Múgedek jandardyń reprodýktıvti densaýlyǵyn saqtaý qajet
ASTANA. 5 jeltoqsan. QazAqparat - Búgin Qazaqstannyń reprodýktıvti jáne jynystyq densaýlyq qaýymdastyǵy osy salada júrgizgen zertteýdiń nátıjesin jarııa etti.
18-45 jastaǵy azamattardyń arasynda ótken zertteý kórsetkendeı, qazaqstandyqtardyń basym bóligi úshin kontratseptıv preparattarynyń qymbat bolýy reprodýktıvti jáne jynystyq densaýlyqty saqtaýǵa qolbaılaý bolyp otyr. Oǵan qosa, el azamattary kontratseptıvti ádister týraly kóp bile bermeıdi. Al múgedek jandardyń qajettilikteri múldem eskerilmeıdi. «Memleket reprodýktıvti densaýlyq salasyndaǵy saıasatty júrgizgen kezde, bizdiń de quqyqtarymyzdy eskerse eken degen tilek bar. Qazirgi kezde Qazaqstanda 450 myń múgedek tirshilik keship jatyr. Olardyń 52 paıyzy - áıelder, olar kóp jaǵdaıda medıtsınalyq mekemege bara almaı jatady, tipti dárihanaǵa jetýdiń ózi bir ǵanıbet. Sondyqtan osy sanattaǵy azamattar úshin de tıisti jaǵdaı jasalsa, nur ústine nur bolar edi», - deıdi múgedek jandar.
