Múgedek stýdentti avtobýstan túsirip ketken júrgizýshi jumysqa qaıta alyndy
NUR-SULTAN. QazAqparat - Elordada múgedek kolledj stýdentin aıazdy kúni avtobýstan túsirip ketken júrgizýshi jumysyna qaıta kiristi. Bul jaıynda «Astana LRT» JShS-niń basqarma tóraǵasy Bekmyrza Igenberdınov jelidegi paraqshasynda jazdy, dep habarlaıdy QazAqparat.
«Kórý qabiletine baılanysty múgedektigi bar kámelettik jasqa tolmaǵan kolledj stýdentin túsirip ketken júrgizýshige qatysty jaǵdaıdy túsindirgim keledi. Biz mán-jaıdy anyqtaý úshin taraptardy shaqyrdyq. Kezdesýge balanyń týystary, avtobýs parkiniń dırektory jáne júrgizýshi keldi. Mán-jaıdy anyqtaǵannan keıin balanyń týystary men júrgizýshi bir-birin túsindi. Olar júrgizýshige keshirim jasady jáne áńgimelesý sońynda ákimnen júrgizýshini jumystan shyǵarý týraly tapsyrmasyn qaıtyp alýdy ótinýge sheshim qabyldady. Júrgiýshi jumysyna qaıta turdy», - dedi ol.
Sonymen qatar, ol bul jaǵdaı ózge júrgizýshilerge de sabaq bolýy tıistigin jáne mindettemelerine barynsha jaýapkershilikpen qaraýǵa úırenýi qajettigin atap ótedi.
«Aıazdy kúnderi qandaı jaǵdaı bolsa da eshkimdi túsirip ketýge bolmaıdy. Al jolaýshylar jol aqysyn ýaqytyly tóleýi qajet», - dedi Bekmyrza Igemberdıev.
