Múgedek dosyn mektepke arqalap aparyp júr
ASTANA. QazAqparat - Qytaılyq Chjan Chı esimdi jasóspirim bulshyq etteri tartylýy saldarynan júre almaıdy. Osyǵan qaramastan, ol mekteptegi sabaqtardan qalmaıdy.
Sebebi onyń Se Sıýı atty eń jaqyn dosy osymen 3 jyl boıy Chjandi mektepke arqasyna salyp, aparyp-ákelip júr. Meıirimi sheksiz Se Sıýıdiń áreketi mekteptegi ózge oqýshylarǵa úlgi bolyp, qazir olar oǵan eliktep, ózgelerge jıi kómektesetin bolypty, dep jazady planet-today.ru. Taıaý arada mekteptegi sabaq ta bitedi. Al elgezek Se ózge qaladaǵy oqý ornyna túsý úshin qujat tapsyrdy. Joly bola qalǵan jaǵdaıda, ol óziniń týǵan qalasynan ketedi. Onyń jan dosy Chjan Chı bolsa, sonda qala bermek. Qazirdiń ózinde bul jarymjan jigitke aýyr tııýi múmkin ekendigi baıqalýda. Biraq mamandar Chjan senimdi dostyń arqasynda mektep baǵdarlamasyn ıgerip alǵandyǵynyń ózi biraz jetistik ekendigin aıtty. Sebebi Qytaıdaǵy múmkindigi shekteýli 243 myń jasóspirimdi qoldaý jaǵy máz emes, dep habarlaıdy 24.kz.
