Múgedek bolsa da tiri júrgeni jaqsy: Aqtaýda ázerbaıjandyq azamat ushaq apatynan zardap shekken týysyn tappaı júr
AQTAÝ. KAZINFORM – Safar Nabıev Aqtaýǵa búgin kelgen. Ol apatqa ushyraǵan ushaqta bolǵan jeńgesin izdeıdi. Aıtýynsha, týysy tiri qalǵandardyń da, qaza tapqandardyń da arasynda joq.
- Men nemere aǵamnyń jubaıy, jeńgemdi izdep keldim. Jasy 42 de. Eki balasy bar. Ol Sheshenstanǵa qyzyna bara jatqan edi.
Jeńgem bortta bolǵandardyń tiziminde tur. Biraq, qaza tapqandar men tiri qalǵandardyń arasynyn tappaı jatyrmyz. Múgedek bolsada kóz aldymyzda tiri bolǵany jaqsy ǵoı, úmitimizdi úzbeımiz, - deıdi Ázerbaıjan azamaty.
Aıta keteıik, Mańǵystaý oblystyq kópbeıindi aýrýhanada ushaqtan zardap shekken 19 adam emdelýde. 1 naýqastyń jeke basy áli anyqtalmaǵan. Sebebi, áıeldiń bet álpeti qatty jaraqattanǵan ári, qujaty tabylmaǵan.
Biraq, dárigerlerdiń aıtýynsha, áıel shamamen 60 jasta.
Buǵan deıin, ushaq apatynan zardap shekken naýqastardyń bas súıekteri men ókpeleri jaraqattanǵanyn jazǵan bolatynbyz.