Múgedek balalardyń sanatorııalyq-kýrorttyq shyǵyndarynyń shekti mólsheri naqtylandy
NUR-SULTAN. QazAqparat – Astana boıynsha І toptaǵy múgedekterge jáne sanatorııalyq-kýrorttyq emdeý qyzmetin alǵan múgedek balalardy ertip júrý shyǵyndaryn óteýdiń shekti somasy 35 aılyq eseptik kórsetkish bolyp belgilendi, dep habarlaıdy QazAqparat tilshisi.
Mundaı sheshimdi Nur-Sultan qalasynyń qoǵamdyq keńesine Jumyspen qamtý jáne áleýmettik qorǵaý basqarmasynyń ókili Aıgerim Qudaıbergenova tanystyrdy. Keńes músheleri usynysty maquldady.
«Áleýmettik qoldaý sharalaryn arttyrý maqsatynda júrip-turýy qıyn І toptaǵy múgedekterge jáne sanatorlyq-kýrorttyq emdeý qyzmetin alǵan múgedek balalardy ertip júrgen adamdarǵa ótinish berýshiniń naqty shyǵyndary mólsherinde biraq 35 aılyq eseptik kórsetkishten aspaıtyn shyǵyndardy óteýdi usynamyz. Qosymsha qajettilik 3113 adamǵa 317,8 mln teńgeni qurap otyr. Osylaısha aǵymdaǵy jyly jergilikti bıýdjettiń jalpy boljamdy shyǵyndary 445,3 mln teńgeni quraıdy. Atalǵan joba QR qoldanystaǵy zańnamasyna qaıshy kelmeıdi jáne quqyqtyq aktilerde qoıylǵan talaptarǵa saı», - dedi Aıgerim Qudaıbergenova.
