Múgedek balalardy qoldaýǵa qansha qarjy kerek
NUR-SULTAN. QazAqparat - Múmkindigi shekteýli balalardyń áleýmettik quqyqtyqtaryn júzege asyrýǵa qosymsha qarjyny bólý pysyqtalyp jatyr. Bul týraly Senatta múmkindigi shekteýli balalardy áleýmettik qorǵaý taqyrybyna arnalǵan dóńgelek ústel otyrysynda Densaýlyq saqtaý vıtse-mınıstri Svetlana Jaqypova aıtty, dep habarlaıdy QazAqparat tilshisi.
«Ońaltý quraldarymen tolyq qamtamasyz etý jumysy memlekettik bıýdjet múmkindikterin eskere otyryp, kezeń-kezeńmen júrgiziletin bolady. Qazirgi tańda biz ulttyq jospardy ázirlep jatyrmyz, onyń bıýdjeti qosymsha 34 mlrd teńgeni qajet etedi. Negizi, bul qadam 100 paıyzǵa bárine ózderiniń áleýmettik quqyqtaryn júzege asyrý úshin eskerilýde. Sondyqtan búginde kelisý rásimderi jergilikti atqarýshy organdarymen, Qarjy jáne Ulttyq ekonomıka mınıstrlikterimen birge atqarylyp jatyr», - dedi vıtse-mınıstr.
Sonymen qatar, ol úıde bilim alyp jatqan balalarǵa toqtaldy.
«Erekshe bilim berýdi qajet etetin balalardyń jalpy sanynyń 14,6 myńy nemese 15 paıyzy úıde bilim alady. Olarǵa jergilikti bıýdjet esebinen mektep quraldaryn satyp alýdy kózdeıtin úıde oqytýǵa jumsalǵan shyǵyndar óteledi. 2018 jyly atalǵan tólem somasy 694 mln teńgeni quraıtyn 13 980 adamǵa berildi. Tólemniń ortasha mólsheri 4 139 teńgeni qamtydy», - S. Jaqypova.
Onyń sózine qaraǵanda, joǵaltqan daǵdylarynyń ornyn toltyrý úshin múgedektigi bar balalar jyl saıyn jergilikti bıýdjet esebinen ońaltýdyń tehnıkalyq quraldarymen qamtamasyz etiledi.
