Múgedek balalar mektepteri ınternetpen 100 paıyzǵa qamtamasyz etiledi
ASTANA. QazAqparat - Búgin Memleket basshysy Nursultan Nazarbaev «Mereıli otbasy» ulttyq baıqaýynyń jeńimpazdaryn marapattaý rásiminde Úkimet pen ákimdikterge múgedek balalar mektepterin ınternetpen 100 paıyzǵa qamtamasyz etýdi júktedi.
«Erekshe másele - ol múmkindigi shekteýli balalar mekemelerin damytý. Osy oraıda Úkimet pen óńirlik ákimdikter aldyna 2015 jyldyń barysynda múgedek balalardyń mekteptetin ınternetpen, oqytýdyń mýltımedııalyq quraldarymen, ınteraktıvti taqtalarmen 100 paıyzǵa qamtamasyz etý maqsatyn qoıamyn», - dedi N. Nazarbaev.
Aıta keteıik, búgin «Mereıli Otbasy» baıqaýynyń barsha oblystar men Astana jáne Almaty qalalarynan jeńimpaz atanǵan barlyq 16 otbasynyń árqaısysyna kóliktiń kilti tapsyryldy.
