Múgedek bala tárbıelep otyrǵan ana depýtattan kómek surady

Sapar barysynda halyq qalaýlysy aldymen Kókshetaý qalasynyń Saryarqa yq­sham aýdanynda salynyp jatqan 900 oryndyq jańa mekteptiń qurylysym­en tanysty. Qurylys ýchas­keniń basshysy Serik Óserbaevtyń aıtýyna qaraǵanda, bilim ordasyn  2018 jyldyń úshinshi toqsanynda paıdalanýǵa berý josparlanǵan. Qazirgi kezde nysanda sý, káriz je­lilerin ornatý jumys­tary aıaqtalyp, jylý jáne elektr je­lileri tartylýda. Osy kúni qurylysta 100-ge tarta adam jumys isteýde. Aldaǵy ýaqytta olard­yń sanyn 200-ge jetkizý kózdelýde­. Depýtat jumysshylarmen jasalǵan kelisimshar­ttyń bolýy, olardy saqtandyrý, múgedekte­rge arnalǵan pandýst­ar, qosymsha shyǵý esi­kteri, adamdardy jumysqa jergilikti jerd­en tartý máselelerine qatysty saýaldar qoıdy.

«Qurylysshylar kóbine­se saqtandyrý, kelis­imshart jasasý másel­elerine onsha kóńil bóle bermeıdi. Ony ju­mys berýshiler de qun­ttamaıdy. Azamattar óz quqyqtaryn bilmeı­di. Barlyq jaǵdaıdyń zań sheńberinde bolý­yn jumys berýshiler qamtamasyz etýleri tı­is. Sonda daýly máse­leler bolmaıdy», -dedi məjilisimen óz sózinde.

Budan keıin Janat Omarbekov Kókshetaýdan Krasnoıar selosy baǵytyndaǵy kúre  joldyń boıynda qurylysy toqtap turǵan mektep­tiń jaǵdaıymen tanysty. Bul nysannyń qurylysyn tolyq aıaqtaý úshin  1 mıllıard teńgege jýyq qarjy qajet eken.
Al, «Nur Otan» partııasy oblystyq fılıalynyń qabyldaýynda azamatt­ardy jeke máseleleri boıynsha qabyldaǵan halyq qalaýlysyna ke­lgen kókshetaýlyq tur­ǵyndardyń kóbi -turǵ­yn úı kezegi máseles­in kóterdi. Máselen, jasy alpysty alqymd­aǵan Ráshıda Qazbekova osy kúni densaýlyǵ­ynda psıhologııalyq jáne nevrologııalyq  aýytqýlary bar balasy­na medıtsınalyq qyzme­tterdiń tolyq jasalm­aıtyndyǵy, dári-dárm­ektiń qymbattyǵy, os­yndaı aýyr syrqatqa ushyraǵandarǵa turǵyn úı bólý kezinde naz­ar aýdarylmaıtyndyǵy týraly aıtyp, ókpe-­renishin bildirdi.
On jyldan beri páter alý kezeginiń áli kel­megendigin aıtyp, ha­lyq qalaýlysynan kóm­ek surady. Barlyq ja­ǵdaıdy tyńdaǵan depý­tat tıisti mekemeler­ge tapsyrma berip, ózi de osy máseleni baqylaýǵa alatyndyǵyn, zańǵa múgedekterdiń deńgeıine baılanys­ty ózgertýler engizý­ge usynystar daıynda­latyndyǵyn aıtyp, se­ndirdi.
Sonymen qatar, Máj­ilis depýtaty Kókshetaýdaǵy «Tynys­» AQ, «Novopek» JShS tərizdi iri óndiris oryndarynda bolyp,  eńbek ujymdarymen kezdesti.