Múgedek arbasyna tańylǵan bıshiler «MÝZ-TV» júrgizýshileri aldynda óner kórsetti
ASTANA. QazAqparat - Astanada «Han Shatyr» saýda ortalyǵynda reseılik jáne qazaqstandyq estrada juldyzdary men H respýblıkalyq «BI Juldyzaı» balalar shyǵarmashylyǵy baıqaýynyń jeńimpazdary birlesip kontsert uıymdastyrdy.
Kontsertti «MÝZ-TV» arnasynyń júrgizýshileri Artem Shalımov pen Rıta Che júrgizdi. Sahnaǵa «BI Juldyzaı» baıqaýyna qatysqandar - «Ym-ısharatpen oryndaý» atalymynyń jeńimpazy Lemys Darhan, baıqaý laýreaty Qural Baqdáýlet, «Horeografııa» atalymynyń jeńimpazdary Ahmet Ashat pen Jaına Shyrshyqbaeva shyqty. Olardyń múgedekterge arnalǵan arbada otyryp bılegenderi reseılik júrgizýshilerdi tańqaldyrdy. Sonymen qatar, sahnada qazaqstandyq ánshiler Rınat Maltsagov, «Orda» toby, skrıpkashy Nına, reseılik «Banderos» toby óner kórsetti.
Eske sala keteıik, búgin qalada reseılik juldyzdardyń qatysýymen múmkindigi shekteýli balalar, balalar úıi men az qamtylǵan januıalardyń balalary úshin birqatar qaıyrymdylyq sharalary ótip jatyr. Reseılik juldyzdar erteń, 5 maýsymda Astanadaǵy «Astana Arena» stadıonynda ótetin «MÝZ-TV. Gravıtatsııa» sharasyna qatysý úshin keldi.
Qaıyrymdylyq sharasyna barlyǵy 500-den astam adam qatysty.
Qaıyrymdylyq aktsııasyna qatysatyn barlyq balalar «MÝZ-TV» Gravıtatsııa» kontsertine de qatysady.
