Muǵaljar aýdanynda sý tasqynynan zardap shekkenderge arnalǵan 14 úıdiń qurylysy júrip jatyr
AQTÓBE. KAZINFORM – Aqtóbe oblysynyń Muǵaljar aýdanynda tasqyn sýdan zardap shekken 14 otbasyǵǵa baspa salynyp jatyr. Bul týraly Aqtóbe oblysy ákimdiginiń baspasóz qyzmeti málimdedi.
«Muǵaljar aýdany boıynsha sý tasqyny kezinde barlyǵy 76 úı men 3 kommertsııalyq nysanǵa zaqym kelip, 8 sharýa qojalyǵy shyǵyndaldy. Sý tasqynynan zardap shekkenderge 26 mıllıon teńgeden astam birjolǵy kómek kórsetildi.Muǵaljar aýdany boıynsha 7 úıge jóndeý jumystary júrgizilip jatyr», — delingen habarlamada.
Búgingi tańda tasqyn kezinde sý basqan Jaǵabulaq aýylynda 9 úı, Birlik aýylynda 5 úı salynyp jatyr. Qurylysqa «Aılın StroıProekt» JShS jaýapty. Sonymen qatar Muǵaljar aýdanynda sý tasqynynan zardap shekken 55 otbasy baspanaly boldy.
Baspanaly bolǵan 55 otbasy — kóktemgi sý tasqynynan zardap shekken Embi qalasy, Jaǵabulaq, Birlik, Basshıli, Qarakól, Sheńgelshı aýyldarynyń turǵyndary. Olarǵa barlyǵy 971 mln. 712 myń teńgege Bolat Ótemuratov, «Qamqor Aqtóbe — 2024» jáne «Dar Charity» qoǵamdyq qorlary arqyly úıler satyp alynyp berildi.
