Muǵalimge qol jumsaǵandardyń jazasyn da qatańdatamyz – vıtse-premer

ASTANA. KAZINFORM – Premer-mınıstrdiń orynbasary Ermek Kósherbaev Úkimet úıindegi baspasóz máslıhatynda muǵalimder shabýyl jasap, qarsy áreket etkenderdiń jazasyn qatańdatylatynyn aıtty.

Jýrnalıst Densaýlyq saqtaý mınıstrinen medıtsına qyzmetkerlerine shabýyl jasaıtyndardyń jazasy qandaı baptarmen qatańdatylatynyn suraǵan. Ermek Kósherbaev osy suraqqa qosymsha jaýap bere otyryp, muǵalimderdiń quqyǵy týraly sóz qozǵady.

- Tek medıtsına qyzmetkerlerin ǵana emes, basqa salalardy da qorǵaý júıesi bolý kerek dep esepteımiz. Sońǵy kezde muǵalimder de shabýylǵa ushyraı bastady... Árıne, zańda muǵalimderdiń quqyǵy zańmen qorǵalatyny jazylǵan. Biraq muǵalimderge qarsy áreket pen onyń jaýapkershiligi bir-birine saı bolý kerek. Ony da qarastyryp otyrmyz. Biraz usynys bar. Depýtattarmen birge aqyldasyp, azamattarǵa jetkizemiz dep oılaımyn, - dedi Ermek Kósherbaev.

Eske salsaq, Prezıdent Qasym-Jomart Toqaev medıtsına qyzmetkerlerine kúsh kórsetkeni úshin jazany kúsheıtýdi tapsyrǵan bolatyn.