Muǵalimge gúl syılaý ár bala men ata-ananyń erikti tańdaýy bolýy kerek - mınıstrlik
ASTANA. KAZINFORM - 1 qyrkúıekte ustazǵa gúl syılaý jaqsy dástúr. Alaıda ol mindetke, jarysqa nemese artyq shyǵynǵa aınalmaýy tıis, dep habarlaıdy QR Oqý-aǵartý mınıstrliginiń bapasóz qyzmeti.
Baspasóz qyzmetiniń habarlaýynsha, eń bastysy gúldiń kólemi nemese baǵasy emes, balanyń ustazyna degen qurmeti. Sondyqtan gúl syılaý ár bala men ata-ananyń erikti tańdaýy bolýy kerek.
-Bilim berý uıymdary gúl nemese syılyq satyp alýǵa bastamashylyq jasamaýy, aqsha jınaýdy uıymdastyrmaýy jáne muny ata-analarǵa mindettemeýi tıis. Bizdiń maqsatymyz mekteptegi alǵashqy kúndi dańǵazasyz, jyly ári tárbıelik mánde ótkizý, balalardy ustazdy qurmetteýge, qarapaıymdylyq pen izgilikke tárbıeleý,-delingen habarlamada.
Osyǵan deıin bilim berý uıymdarynyń aldyn ala eskertýsiz tekseriletini týraly jazdyq.
