Eýropada muǵalimderge úı satyp alý ońaı ma

ASTANA. KAZINFORM — Euronews 100 m² úı satyp alý úshin kári qurlyqta muǵalimge qansha aı jumys isteý kerektigin eseptedi. Bul taldaý jalpy orta bilim beretin mektepterdegi muǵalimderdiń zańmen belgilengen eńbekaqysyna negizdelgen jáne ıpotekalyq nesıeniń paıyzdyq mólsherlemesin kórsetpeıdi. 

Ulybrıtanııadaǵy turǵyn úı adamdardyń muǵalim mamandyǵyn tańdaýyna aıtarlyqtaı áser etedi. ıAǵnı, halyqtyń 57 paıyzy oqytýshy jalaqysyna úı satyp alý múmkin emes dep sanaıdy.

Eýropanyń 24 eliniń ishinde úı satyp alǵysy keletin muǵalimder úshin Irlandııa eń tanymal tańdaý bolyp tabylady. Bul elde 100 sharshy metr múlik orta bilim beretin muǵalimderdiń jalaqysynyń 106 esesine teń. Keıbir elderde muǵalim 10 jyldyq jalaqysyn únemdeý arqyly úı satyp ala alady.

Dál osy merzim Ispanııada — 112, Nıderlandyda — 114, Belgııada — 120, Lıýksembýrgte — 145, Germanııada — 157, Portýgalııada — 162, Anglııada — 175 aı. ıAǵnı, muǵalimniń 15-20 jyldyq jalaqysy degen sóz.

Buǵan jetý úshin ıtalıandyq muǵalim 191 aı jumys isteýi kerek bolsa, odan keıingi orynda Norvegııa (192) jáne Avstrııa (203 aı) tur. Frantsııada bul kórsetkish 230 aıǵa sáıkes keledi.
Bilimdi adam úı satyp alýda eń kóp qıyndyq kóretin el — Vengrııa: 35 jyl, ıaǵnı 443 aı eńbek. Slovakııa (398 aı) men Chehııada (383 aı) jaǵdaı máz emes.

Sońǵy jyldary kóptegen eýropalyq elde muǵalimderdiń jalaqysy ınflıatsııaǵa baılanysty ómir súrý qunyna sáıkes kelmedi. 2015-2023 jyldar aralyǵynda 22 eldiń 10-ynda orta mektep muǵalimderiniń naqty jalaqysy tómendedi.

Ustazdyq — qurmetti mamandyq. Desek te, osy salada eńbek etip júrgenderge qarjylyq qoldaýdyń joqtyǵy bilim sapasyna keri áserin tıgizeri sózsiz.

Eske sala keteıik, Eýropa men Qazaqstan arasyndaǵy ýaqyt aıyrmashylyǵy qysqardy.