Muǵalimderdiń pándik bilimin baǵalaý testi toqtatyldy
ASTANA. KAZINFORM — Muǵalimderdiń pándik bilimin baǵalaý testi toqtatyldy. Súıinshi jańalyqty Oqý-aǵartý mınıstri Juldyz Súleımenova Instagram paraqshasynda bólisti.
— Qurmetti ustazdar! Sizderge arnalǵan súıinshi jańalyqpen bólisemin. Memleket basshysy Qasym-Jomart Kemeluly Toqaevtyń tapsyrmasymen muǵalimderdiń, ustazdardyń pándik bilimin baǵalaý testi toqtatyldy. Óte jaqsy. Meniń oıymsha Memleket basshysy sizderge zor senim artyp, úlken janashyrlyq tanytýda. Sondyqtan barshańyzdy quttyqtaımyn. Sáıkesinshe hat Bilim basqarmalaryna búgin joldandy, — dedi Juldyz Súleımenova.
Pedagogterdiń bilimin baǵalaý testi jumys istep júrgen pedagogter, bilim berý uıymdarynyń basshylary, pedagogıkalyq ótili joq jáne pedagogıkalyq qyzmetti qaıta bastaýdy josparlap otyrǵan tulǵalar úshin ótkizilip keldi. Testilenýshilerdiń ár sanaty úshin tıisti testileý formaty men shekti ball belgilengen. Testileýden ótken pedagogke test nátıjeleri bar sertıfıkat beriletin. Ol bir jylǵa jaramdy boldy.
Aıta ketelik pedagogterdi tegin oqytý baǵdarlamasy sáýirde bastalatyny týraly jazǵan edik.