Muǵalimderdiń anonımdik shaǵymdary nege qaraýsyz qalyp jatyr — mınıstrlik jaýaby

ASTANA. KAZINFORM –Oqý-aǵartý mınıstrligi Bilim salasynda sapany qamtamasyz etý komıtetiniń tóraǵasy Serik Áshirov Ortalyq kommýnıkatsııalar qyzmetinde ótken baspasóz máslıhatynda muǵalimderdi anonımdik shaǵymdary nege qaraýsyz qalyp jatqanyn túsindirdi. 

— Zań boıynsha anonımdik shaǵymdar tekserý júrgizýge negiz bola almaıdy. Naqty faktiler men dálelder bolsa ǵana biz resmı tekserý júrgize alamyz. Anonımdi faktiler jalpy aqparat retinde ǵana qaralady, — dedi Serik Áshirov.

Sondaı-aq, ol 2025 jyly komıtettiń aýmaqtyq departamentteri 18 derek boıynsha tekserý júrgizgenin atap ótti.

— Onyń ishinde pedagogti kásibı mindetinen tys jumystarǵa tartý, muǵalimderdi gazet-jýrnalǵa kúshtep jazdyrý, túrli is-sharalarǵa qatysýǵa májbúrleý sııaqty faktiler anyqtaldy. Tekserý qorytyndysy boıynsha kináli tulǵalar ákimshilik jaýapqa tartyldy, — dedi komıtet basshysy.

Atalǵan is-sharada Jańa jylda muǵalimderge nege jappaı syıaqy berilmeıtini aıtyldy.