Muǵalimderdi baspanamen qamtamasyz etýdiń qandaı tetikteri qarastyrylǵan

ASTANA. KAZINFORM — Oqý-aǵartý mınıstrligi pedagogterdi turǵyn úımen qamtamasyz etýge qatysty túsinik berdi. 

— Bilim basqarmalarynyń aqparaty boıynsha elimizde 2025 jyly 277 pedagog memleket tarapynan tegin turǵyn úımen (onyń ishinde 185-i qalalyq, 92-i aýyldyq jerde), 184 pedagog qyzmettik turǵyn úımen qamtyldy, al 1025 pedagog jataqhanalarǵa ornalastyryldy, — delingen mınıstrliktiń Kazinform agenttigine bergen jaýabynda.

Sonymen qatar, 212 pedagogke turǵyn úı qurylysy úshin tegin jer telimderi úlestirilgen.

— Turǵyn úıdi jalǵa alýǵa 501 pedagogke jaǵdaı jasalǵan. Kommýnaldyq qyzmetterge ótemaqymen qamtylǵan (aýyldyq jerlerde otynmen, sýmen, kómirmen) pedagogter sany — 138 071 (onyń ishinde 137 773 pedagog aýyldyq jerde, 298-i qalalyq jerde), — dep naqtylady vedomstvo.

Aıta keteıik, buǵan deıin Prezıdenttiń saılaýaldy baǵdarlamasy aıasynda baspana qurylysy boıynsha jospar qalaı oryndalyp jatqanyn jazǵan edik.