Muǵalim issapar shyǵyndaryn ózi qaltasynan tóleýge mindetti me
ASTANA. KAZINFORM — Oqý-aǵartý mınıstrligi Orta bilim berý komıtetiniń tóraǵasy Jumashev Qanybek Ortalyq kommýnıkatsııalar qyzmetinde ótken baspasóz máslıhatynda muǵalimniń issapar shyǵyndary qalaı óteletinin aıtty.
— Shalǵaı aýyldaǵy mektep muǵalimderi aýdan ortalyǵyna, oblys ortalyǵyna biliktilikti arttyrý kýrstary men konferentsııalarǵa, semınarlar men dóńgelek ústelderge barý úshin issaparǵa barady. Keıbir mektepterde osy shyǵyndardy muǵalim óz qaltasynan tóleıdi eken. Bul qanshalyqty zańdy, — dep surady jýrnalıst.
Serik Áshirov tek memlekettik mekemeler uıymdastyratyn issapardyń shyǵyny ǵana bıýdjet esebinen tólenetinin aıtty.
— «Órleý» biliktilik arttyrý ortalyǵy sııaqty memlekettik mekemeler uıymdastyratyn ádistemelik jıyndar men sharalarǵa qatysýdyń issapar shyǵyndary tolyqtaı jergilikti bıýdjet esebinen tólenedi. Naqtylap aıtsaq, sol mekteptiń nemese aýdandyq bilim bóliminiń esebinen tólený kerek. Tólenbegen jaǵdaı bolsa, bizdiń komıtetke habarlassyn, tıisti shara qabyldaýǵa daıynbyz, — dedi komıteti basshysy.
Eske salsaq, jyl basynda Qyzylorda qalasyndaǵy «Daryn» oblystyq qosymsha bilim berý ortalyǵynyń bas esepshisi issapar men jalaqyǵa kózdelgen 50 mln teńgeni jeke shottaryna zańsyz aýdarǵany áshkere bolǵan edi.