Muǵalim men dáriger qandaı jaǵdaıda tabysyn deklaratsııalaý kerek

ASTANA. KAZINFORM – Memlekettik kirister komıteti muǵalim men dárigerdiń qandaı jaǵdaıda tabysyn deklaratsııalaý kerektigin túsindirdi.

 Мұғалім мен дәрігер қандай жағдайда табысын декларациялау керек
Фото: pexels.com

- Eger muǵalim qandaı da bir uıymda jumys isteıtin bolsa jáne jeke tabys salyǵy tólem jasaýshydan ustalsa, onda deklaratsııa tapsyrýdyń qajeti joq, - dedi Qarjy mınıstrligi Memlekettik kirister komıtetiniń Jeke tulǵalar kirisin ákimshileý basqarmasy bastyǵynyń orynbasary Ásemgúl Mustafına komıtettiń Instagram paraqshasynda ótken tikeleı efır barysynda.

Degenmen, ol qandaı jaǵdaıda muǵalimder tabysyn deklaratsııalaý qajettigin atap ótti.

- Eger muǵalim frılaser retinde ózge jeke tulǵaǵa qyzmet kórsetse, onda ol muny 270 nysanynda kórsetýi tıis jáne oǵan derbes alynǵan kiris retinde salyq salynady, - dedi Ásemgúl Mustafına.

Komıtet ókiliniń atap ótýinshe, medıtsına qyzmetkeri aýrýhanaǵa jumysqa ornalasyp, sol jerden jalaqy alatyn bolsa, onda deklaratsııa tapsyrý qajet emes.

- Óıtkeni, olar memlekettik qyzmetshi emes, aýrýhanada jumys isteıdi. Al aýrýhana basshysy eger mekeme memlekettik uıym bolsa, onda deklaratsııa tapsyrýǵa mindetti. Biraq, atalǵan aýrýhana dárigerleri sol jerden jalaqy alǵandyqtan deklaratsııa tapsyrýdan bosatylady. Olar qalǵan tabystary boıynsha deklaratsııany derbes tapsyrady, - dedi ol.

Buǵan deıin deklaratsııa tapsyrý kezinde qolma-qol aqshasynyń bir bóligin kórsetýdi umytyp ketken adam ne isteýi keregin jazǵan edik.

Сейчас читают