Muǵalimniń ústine tógilgen ystyq bıtýmǵa baılanysty is qozǵaldy
KÓKShETAÝ. QazAqparat - Aqmola oblysynda Býrabaı aýdanynda muǵalimniń ústine tógilgen ystyq bıtým oqıǵasyna baılanysty is qozǵaldy, dep habarlaıdy QazAqparat tilshisi ІІD baspasóz qyzmetine silteme jasap.
Vedmostvonyń málimeti boıynsha qazirgi kezde atalmysh oqıǵa baılanysty is qozǵalyp, tergeý amaldary qolǵa alynǵan.
«Qazirgi kezde Býrabaı aýdanynyń Zelenyı Bor kentindegi mektep-gımnazııasynyń muǵalimi R.G. Sharafýtdınovtyń termııalyq kúıik alýyna baılanysty QR QK 156 babynyń 1 bólimi (eńbek zańynyń saqtalmaýy) boıynsha is qozǵalyp, sotaldy tergeý amaldary júrgizilýde», - dep túsindirdi ІІD baspasóz qyzmetindegiler.
Eske sala keteıik, osyǵan deıin habarlaǵanymyzdaı, oqıǵa 5 maýsym kúni Zelenyı bor kentindegi mektep-gımnazııasynda bolǵan. Mekteptiń shatyryn jóndemek bolǵan muǵalimniń ústine abaısyzda bir shelek ystyq qara maı (gýdron) tógilgen.
Zardap shekken muǵalimniń ata-anasynyń sózi boıynsha, 1993 jylǵy ustaz tómende júrgen balalardy qaterden saqtap qalmaq bolǵan. Kúıik jaraqattaryn alǵan ol aldymen Býrabaı aýdandyq aýrýhanasyna, keıin Aqmola oblystyq aýrýhanasynyń travmatologııa bólimshesine jatqyzylady.
«Muǵalim bizge 7 maýsym kúni keshki saǵat 19:00 shamasynda tústi. Denesiniń 19 paıyzy, ıaǵnı beti, moıny, qoldary jáne aıaqtarynyń bastary kúıgen. Qazirgi kezde jaǵdaıy jaqsaryp keledi. Tıisti em qabyldap jatyr. Aldaǵy bir-eki aptanyń ishinde aýrýhanadan shyǵarylady», - degen bolatyn Aqmola oblystyq aýrýhanasynyń dárigeri Eldos Qaıyrjanov.
