Muǵalimin óltirmek bolǵan brıtanııalyq oqýshy 11 jylǵa sottaldy
ASTANA. QazAqparat - Muǵalimine pyshaqpen shabýyl jasaǵan brıtanııalyq jetkinshek 11 jylǵa bostandyǵynan aıyryldy.
VVS habarlaǵandaı, 11 maýsymda 14 jastaǵy aıyptalýshy 50 jastaǵy muǵalimi Vınsent Ýzom uıaly telefonyn alyp qoıatynyn aıtyp qorqytqanǵa ony as úı pyshaǵymen urǵan.
Batys Iorkshırde Bredford qalasyndaǵy sottardyń biriniń alqa bıleri isti aýyrlatatyn jaǵdaıdy baıqaǵan. Muǵalimge shabýyl jasar aldynda jasóspirim ony násildik belgisi boıynsha balaǵattaǵan, oqıǵadan keıin mektepten qashyp, bolǵan jaıdy maqtanyp aıtqan.
Sonymen qatar aıyptaýshy jaqtyń aıtýynsha, jasóspirim shabýyl aldynda bul áreketin dostarymen talqylaǵan.
