Muǵalimderge tólenetin qosymsha ústemaqy alynyp tastalady degen málimet jalǵan - mınıstrlik

NUR-SULTAN. QazAqparat - Oqý-aǵartý mınıstrligi áleýmettik jelide taraǵan málimetti joqqa shyǵardy, dep habarlaıdy QazAqparat.

Áleýmettik jelilerde jańartylǵan baǵdarlama boıynsha muǵalimderge beriletin qosymsha tólem alynyp tastalatyny jaıly aqparat tarady.

Mınıstrlik osyǵan qatysty túsinik berdi.

«Osyndaı shyndyqqa sáıkes kelmeıtin aqparatty taratyp jatqandar bar. Qosymsha tólemder burynǵydaı tólene beredi. Sonymen qatar 2023 jylǵy qańtardan bastap el Prezıdentiniń tapsyrmasy boıynsha jalaqy 25%-ǵa ósedi, sáıkesinshe laýazymdyq jalaqyǵa baılanysty tólemder de proportsıonaldy túrde ósedi» dep málim etti vedomstvodan.