Muǵalimderge balalardy zorlyq-zombylyqtan qorǵaýdyń negizi úıretiledi - A.Sárinjipov
ASTANA. QazAqparat - Búgin Ortalyq kommýnıkatsııalar qyzmetinde ótken baspasóz máslıhatynda QR Bilim jáne ǵylym mınıstri Aslan Sárinjipov keıingi kezde balalarǵa qatysty zorlyqtyń kóbeıýine alańdaýshylyq bildirdi.
«Bul - qazirgi ýaqytta qoǵamnyń talqysynda júrgen óte kúrdeli másele. Soǵan oraı, Prezıdent Ákimshiligi, Bas prokýratýra jáne Úkimet arnaıy keńes ótkizdi. Onyń qorytyndysynda balalarǵa qatysty zorlyqty aldyn alý boıynsha 2015-2017 jyldarǵa arnalǵan is-sharalar jospary jasaqtaldy», - dep atap ótti mınıstr.
Onyń aıtýynsha, osy jospar boıynsha jumys bastalyp ta ketken. Ol qujatta balalardyń qaýipsizdigine qatysty taqyryp oqý baǵdarlamasyna engiziledi. «Jergilikti organdarmen birge biz qaýipsizdikti saqtaý boıynsha keshendi is-sharalardy jasaqtaýdamyz. Onda qaýipsiz marshrýttar men túsindirý jumystary syndy sharalar enip otyr. Barlyq mektepter oqý jyly bastalǵanǵa deıin psıhologtarmen qamtamasyz etiledi. Muǵalimderge arnaıy trenıngter barysynda balalardy zorlyq-zombylyqtan qorǵaýdyń negizderi úıretiledi», - dep atap ótti A.Sárinjipov.
