Muǵalimderge aýyldarda 7 myń jumys orny ashylady
«Koronavırýs indeti ekonomıkaǵa jáne eńbek naryǵyna áserin tıgizýde. Osy turǵyda Úkimet tarapynan qoldanylyp jatqan mańyzdy sharalardyń biri - jańa «Jumyspen qamtý» jol kartasy. Bekitilgen jol kartasynyń negizgi sharttaryn eske salyp ketsek, ol qyzmet kórsetýler jáne paıdalanatyn qurylys materıaldarynyń 90 paıyzdan kem emesi otandyq óndirýshiler men merdiger bolýy tıis. Qurylyp jatqan jumys oryndarynyń 50 paıyzdan kem emesine Jumyspen qamtý ortalyqtary arqyly jumyssyz júrgen, ásirese jumyssyz jastar tartylýy tıis. Memleket basshysynyń sońǵy bergen tapsyrmalary boıynsha syrtta júrgen jastarǵa jol kartasyna qatysqan jaǵdaıda aldyn ala eń tómengi jalaqy kóleminde 2 kóterme jalaqy berip, ár jobada jumysshynyń qaýipsizdigin saqtaý maqsatynda sanıtarlyq-epıdemologııalyq sharalardy qabyldaýy shart», - dedi mınıstr.
Onyń dereginshe, ákimder tarapynan jol kartasyna 6 506 joba usynyldy. Onyń ishinde 2703 joba áleýmettik ınfraqurylymǵa, 1039 turǵyn úı sharýashylyǵy nysandaryna, 1799 joba ınjenerlik-kólik ınfraqurylymyn qamtýǵa jáne 695 joba eldi mekenderdi abattandyrýǵa qatysty bolyp otyr. Atalǵan jobalarda barlyǵy 255 myń jumys orny qurylady jáne iske asyrylǵan jobalar aldaǵy ýaqytta ekonomıkanyń ártúrli salalarynda 100 myńnan astam turaqty jumys ornyn ashýǵa negiz qalaıdy.
«Jol kartada iriktelgen jobalar ýaqytsha jumyspen qamtýmen birge áleýmettik mańyzy bar máselelerdi sheshýge, aldaǵy ýaqytta ekonomıkalyq áseri bar mejelik salalardyń damýyna, turaqty jumys oryndaryn qurýǵa yqpal etedi. Máselen, jol kartasy aıasynda bolashaqta áleýmettik aktıv bolyp qalatyn qurylystar - jańa 80 bilim berý oshaǵy salynbaq. Ol óz kezeginde apatty jáne úsh aýysymdyq mektepter máselesin sheshýge, aýyldaǵy balalar úshin bilim alýǵa qoljetimdilikti arttyrýǵa, muǵalimderge 7 myń jańa jumys ornyn ashýǵa múmkindik beredi», - dedi Birjan Nurymbetov.
