Muǵalimderdiń jalaqysyn kótermeı, bilim júıesin ilgerilete almaımyz - Máýlen Áshimbaev
"Bul salada sheshýimiz qajetti kóptegen problemanyń bar ekendigin kórip otyrmyz. Eń aldymen, bul - pedagogtarymyzdyń jalaqysy. Búginde pedagogtar áleýmettik jaǵynan eń qorǵalmaǵan top bolyp otyr. Eger ekonomıka salalaryn ortasha eseppen alsaq, bilim berý salasyndaǵy adamdar eń tómen jalaqy alady. Árıne, qandaı da bir ústemeaqy, qosymsha tólem bar. Biraq, olardy alý úshin úlken eńbek ótili jáne basqa da qandaı da bir krıterııler qajet. Sondyqtan biz pedagogtardyń jalaqysyn birtindep, kezeń-kezeńimen kóbeıtý máselesin sheshpesek, onda dál osy jaǵdaıdaǵy bilim salasyn elimizge qajetti kadrlardy, biliktiligi joǵary mamandardy daıyndaý úshin ilgeriletý jáne ony jańa deńgeıge kóterý qıynǵa soǵady", - dedi ol "Nur Otan" partııasy alańyndaǵy "2016-2019 jyldarǵa arnalǵan bilim berý jáne ǵylymdy damytýdyń memlekettik baǵdarlamasyn" talqylaý barysynda.
Sonymen qatar ol muǵalimderdi daıyndaý máselesindegi kemshilikterge toqtaldy. Joǵary oqý oryndarynyń pedagog mamandardy daıyndaıtyn salalaryna Ulttyq biryńǵaı testileýden tómen ball alǵan talapkerlerdiń baratyndyǵyn aıtty.
"Demek, bul salaǵa adamdar óz erkimen barmaıdy dep aıta alamyz. ıAǵnı, adamdar ózge mamandyqqa túse almaǵannan keıin pedagogıkany tańdaıdy degen sóz. Árıne, bul salaǵa jan qalaýymen baratyn adamdar da bar shyǵar. Biraq, qoldaǵy derekter UBT-da eń tómen ball alǵan adamdardyń pedagogıkalyq mamandyqqa baratyndyǵyn kórsetip otyr", - dedi Máýlen Áshimbaev.
