Muǵalimderdiń biliktiligin tekseretin test qoldanystan alynbaıdy

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov kópjyldyq ótili bar pedagogter nege ulttyq biliktilik testileý synaǵyn tapsyratynyn túsindirdi, dep habarlaıdy QazAqparat tilshisi.

«Ýnıversıtet bitirgen 32 myń stýdent testileýden óte almaı qalǵanyn aıttym. Olar da bizge renjidi.

«Biz jańa ǵana ýnıversıteti bitirip jatyrmyz. Bilimimiz áli eskirgen joq. Nege bizdiń biliktiligimizdi tekserýlerińiz kerek?», - degen suraq qoıdy. Biz aıtamyz: «Sebebi sizder balalarmen jumys isteısizder. Sizderdiń bilimdi, bilikti bolǵandaryńyz maǵan kerek emes, jalpy memleketimiz úshin qajet», - dep jaýap beremiz. Sol sııaqty 15 jyl bolsyn, 10 jyl bolsyn tájirıbesi bar muǵalimderge de osy másele tıesili», - dedi vedomstvo basshysy.

Onyń paıymynsha, muǵalimderdi testileý arqyly synaýdy olardyń biliktiligin joqqa shyǵarý dep qaramaý kerek.

«Bul- muǵalimderdiń 5 jylda bir ret óziniń quzyrettiligin dáleldeý úshin baıaǵydan kelejatqan úrdis. Sondyqtan bul jumys jalǵasyn tabady», - degen mınıstr biliktilik testinen ótpeý mamannyń muǵalim bolyp jumys isteý quqyǵyn shektemeıtinin eskertti.

«Bul – muǵalimniń óz biliktiligine saı ústemeaqy alýy úshin tapsyrylatyn test», - dedi Ashat Aımaǵambetov.

Eske salsaq, Almatyda ulttyq biliktilik testin tapsyryp jatqan muǵalim kóz jumdy.