Muǵalimderdiń biliktiligin kompıýterlik baǵdarlama qadaǵalaıdy
NUR-SULTAN. QazAqparat – Elimizde pedagogterdiń Ulttyq biliktilik test tapsyrýyn kompıýterlik baǵdarlama qadaǵalaıdy. Bul jaıynda Ulttyq testileý ortalyǵynyń burynǵy dırektory Dıdar Smaǵulov málim etti, dep habarlaıdy QazAqparat.
«Búgingi kúnnen bastap kompıýterlik baǵdarlamamyz pedagogterdiń Ulttyq biliktilik testileýdegi quqyq buzýshylyqtaryn da qadaǵalaıtyn bolady. Balalarymyzdy óz pánin bilmeıtin, testileýde kóshirýge tyrysatyn, tártipsiz muǵalimderden qorǵaıyq», - dep jazdy Dıdar Smaǵulov facebook paraqshasynda.
Aıta keteıik, keshe ǵana Dıdar Smaǵulov Bilim jáne ǵylym mınıstrligi Ulttyq testileý ortalyǵynyń dırektory qyzmetinen ketken bolatyn. Endigi ýaqytta ol QR Bilim jáne ǵylym mınıstriniń sybaılas jemqorlyqqa qarsy is-qımyl máseleleri jónindegi shtattan tys keńesshisi laýazymyn qosymsha alyp júrmek.
