Muǵalimderdiń biliktiligin arttyrýǵa jyl saıyn 10 mlrd. teńge bólinedi
ASTANA. QazAqparat - Muǵalimderdiń biliktiligin arttyrýǵa jyl saıyn 10 mlrd. teńge bólinedi. Bul týraly búgin Ortalyq kommýnıkatsııalar qyzmetindegi baspasóz máslıhatynda QR BǴM Mektepke deıingi jáne orta bilim departamentiniń dırektory Jańyl Jontaeva málim etti.
«Biliktilikti arttyrýǵa jyl saıyn 10 mlrd. teńge bólinedi. Barsha muǵalimderge aıtarymyz, jańartylǵan baǵdarlama boıynsha biliktilikti arttyrý ustazdardyń jeke qarjysyna emes, bıýdjet esebinen júrgiziledi», - dedi J. Jontaeva.
Budan buryn habarlanǵandaı, tek bıyldyń ózinde 12 jyldyq jáne úsh tilde bilim berýge daıyndyq kýrstarynan 69 myńnan astam ustaz ótedi.
Óz kezeginde QR Bilim jáne ǵylym vıtse-mınıstri Elmıra Sýhanberdıeva fızıka, hımııa, bıologııa jáne ınformatıka pánderi muǵalimderiniń aǵylshyn tilinen bilim alýdyń tórt aılyq kýrstary olardyń josparly demalystaryna áser etpeıtinin aıtty.
