Muǵalimderdiń 80 paıyzy qaıtadan vaktsına aldy
NUR-SULTAN. QazAqparat – Muǵalimderdiń 80 paıyzy qaıta vaktsına aldy. Bul týraly Oqý-aǵartý birinshi vıtse-mınıstri Sholpan Karınova aıtty, dep habarlaıdy QazAqparat tilshisi.
«Pedagogterdi jumysqa qabyldaýdyń jańa erejesi bıyl bekitildi. Qazir muǵalimder osy ereje boıynsha konkýrstyq negizde jumysqa qabyldanyp jatyr. Negizgi qoıylatyn talaptar - muǵalimniń bilim, eńbek ótili, ulttyq biliktilik testileý nátıjesi jáne biliktilik sanaty, kásibı jetistikteri bolady», - dedi ol Ortalyq kommýnıkatsııalar qyzmetindegi baspasóz máslıhatynda.
Spıkerdiń atap ótýinshe, mektep dırektorlaryn rotatsııalaý jalǵasyp jatyr.
2022 jyly 1 200-den astam dırektor rotatsııalaýǵa sáıkes keledi. Búginde onyń 400-den astamy rotatsııadan ótti.
«Jańa oqý jylynda muǵalimderdiń revaktsınatsııadan ótýi jalǵasady. Búginde muǵalimderdiń 80 paıyzy qaıta vaktsına aldy», - dedi Sholpan Karınova.
