Muǵalimderdi shetelde demaldyryp, baspanamen qamtý jaıyn qolǵa alýymyz kerek - Janseıit Túımebaev
ShYMKENT. QazAqparat - Endi sol muǵalimderdiń áleýmettik máselesi, baspanamen qamtylýy, el qatarly shetelde demalýy jiti nazarda bolmaq. Bul týraly bilim máselelerine arnalǵan onlaın-selektorlyq keńes barysynda oblys ákimi Janseıit Túımebaev atap ótti.
Ońtústik Qazaqstan oblysynda 1800-deı bilim salasy qyzmetkerleri men qala-aýdan ákimdikteri basshylarynyń qatysýymen ótken alqaly jıynda bilim salasyndaǵy reformalar men orta bilim berý sapasy, mektepke deıingi tárbıe men oqytý máseleleri sóz boldy, dep habarlaıdy QazAqparat HAA tilshisi.
Oblysta búgingi tańda mektepter men kolledj, tehnıkýmdarda dáris beretin 76 myń ustaz bar.
«Oblysta búgingi tańda mektepter men kolledjderde dáris beretin 76 myń ustaz bar eken. Sondyqtan, biz ustaz mártebesin kóterip, onyń áleýmettik jaǵdaıyna deıin kóńil bólip, qoldaý kórsetýimiz qajet. ıAǵnı, olardy shetelde demaldyrý úrdisin jalǵastyryp, baspanamen qamtý jaıyn qolǵa alýymyz kerek. Óıtkeni muǵalimderdiń jaǵdaıyn jaqsartpaıynsha, jaqsy nátıjege qol jetkizý múmkin emes», - dedi J.Túımebaev.
Óńir basshysynyń aıtýynsha, muǵalimge kórsetilgen kómek - bolashaqqa jasalǵan qamqorlyq.
Jıyndy qorytyndylaǵan aımaq basshysy, aýdan, qalalardaǵy bilim bólimderiniń basshylaryna jumysty jandandyryp, qolǵa alýdy tapsyrdy. Budan bylaı atalǵan saladaǵy tártiptiń qatań bolatynyn eskertken aımaq basshysy oblys boıynsha mektepterdiń reıtıngin jarııalaýdy tapsyrdy.
Sondaı-aq májiliste mektepke deıingi tárbıe men oqytý jáne orta bilim berý sapasyna qatysty sóz sóılegen oblys ákiminiń orynbasary Ulasbek Sádibekov bilim berý sapasyn arttyrý maqsatynda sheshimin tabýdy qajet etetin birqatar máselelerdi atady. Onyń sózinshe, óńirde bilim salasy budan bylaı qatań baqylaýda bolady. Joǵary sapaly bilim beretin 10 mektep anyqtalyp, sol oqý oryndarynda keńeıtilgen semınarlar ótkiziledi. Alǵash bolyp tizgindi «Altyn belgi» sany boıynsha oblysta birinshi oryndy ıelenip júrgen Maqtaaral aýdanyndaǵy Baýyrjan Momyshuly atyndaǵy mektep-gımnazııa qolǵa almaq.
